Dis erschte Jahr bi eus
- Wenn du dis Instrument nonig chasch, bringed dir eusi Registerleiter alles Schritt für Schritt bi
- Du probsch jede Mäntig mit eus allne und lernsch so direkt eusi Musig und d’Truppe kenne
- I de Registerprobe üebsch du mit dim Register gezielt eusi Lieder und dis Instrument
- Dis erschte Jahr isch für dich kostelos, du zahlsch no kein Mitgliederbiitrag
- Es Gwändli wird dir vom Verein gratis zur Verfüegig gstellt
- Du hilfsch a eusne Ahläss und Vereinsaktivitäte mit und lernsch eusi Abläuf kenne
- Du bisch vo Afang a debii: Ab em erschte Uftritt spielsch du mit eus ih de Reihe mit
- Natürlich bisch du au bi eusne Vereinsaläss und gemeinsame Aktivitäte debii (Probetag, Probeweekend, Chlaushöck, etc.)
- Du hesch immer erfahreni Möcke um dich, wo dir bi Frage oder Problem helfed
Ab em zweite Jahr
Grundsätzlich lauft alles wiiter wie im erschte Jahr
- Du probsch wiiterhin vom September bis endi Saison jede Mäntig
- De Summer duur isch jede 1. Mentig im Monet eh freiwilligi Prob
- Registerprobe mit Absprach vom Register
- Du spielsch ah Uftritt, Umzüg und de Fasnacht voll mit
- Dis persönliche Gwändli chasch selber schniidere oder schniidere lah. S Schniidere kostet ca. CHF 150.–, de Stoff übernimmt de Verein
- De jährliche Mitgliederbiitrag beträgt: Lehrling/Studis: CHF 150.–
Alli andere: CHF 175.– - Du hilfsch wiiterhin aktiv a eusne Ahläss und Arbeitseinsätz mit
- Mit de Zyt übernimmsch du dis erschte Ämtli und hilfsch so mit, dass euse Verein funktioniert
Was für Koste chömed be eus uf dich zue?
- Mitgliederbiitrag
- Übernachtig vom Probeweekend
- Schniidere vom Gwändli
- Din eigene Konsum während de Probe, Carfahrt, Uftritt, etc.
Was bechunsch defür?
- Es eignigs Instrument
- Jederzyt d’Möglichkeit ih eusem Probelokal probe
- Carfahrt zu de Uftritt
- Esse am: Fasimentig, Probeweekend, Probetag, Chlaushöck
Hesch na Froge? Euse Präsi (Kontakt) staht dir gern zur Verfüegig
MIR FREUED EUS UF DICH!